Cwestiynau Cyffredin Lwfans Myfyrwyr Anabl

Rydych yn gymwys os ydych yn byw yn y DU, yn astudio ac yn gymwys i gael cymorth gan Gyllid Myfyrwyr Lloegr (SFE) neu Gyllid Myfyrwyr Cymru (SFW) a bod gennych ddiagnosis o gyflwr/gyflyrau sy'n effeithio ar eich gallu i astudio, ac ar gyfer rhain gallwch ddarparu tystiolaeth gan weithiwr proffesiynol meddygol/cymwysedig.

Enghreifftiau o gyflyrau sydd wedi'u diagnosio:

• anhawster dysgu penodol (megis dyslecsia, ADHD neu ddyspracsia)
• cyflwr iechyd corfforol neu feddyliol
• salwch hirdymor
• nam synhwyraidd

Am fwy o wybodaeth am gymhwysedd DSA, ewch i:
https://www.gov.uk/disabled-students-allowance-dsa/eligibility
http://www.cyllidmyfyrwyrcymru.co.uk

Gofynnwyd i chi fynychu asesiad anghenion i weithio allan pa gymorth sydd ei angen arnoch i'ch helpu yn ystod eich astudiaethau. Yn eich asesiad anghenion, byddwch yn siarad â'ch asesydd anghenion am yr effaith mae eich anabledd yn ei chael ar eich astudiaethau, eich profiad o unrhyw gefnogaeth rydych eisoes wedi'i dderbyn a manylion eich cwrs. Efallai y bydd eich asesydd anghenion hefyd yn dangos offer neu feddalwedd i chi.

Ar ôl eich asesiad anghenion, bydd eich asesydd yn ysgrifennu adroddiad ar gyfer Cyllid Myfyrwyr Lloegr (SFE) neu Cyllid Myfyrwyr Cymru (SFW) yn argymell pa gymorth DSA y dylech ei dderbyn. Byddwch yn cael y dewis i adolygu copi drafft o'r adroddiad cyn iddo gael ei anfon at SFE neu SFW, os dymunwch. Unwaith y bydd SFE neu SFW wedi adolygu'r adroddiad, cewch eich hysbysu o'r cymorth DSA penodol sydd wedi'i gymeradwyo a sut i'w gyrchu.

Gellir cwblhau eich asesiad anghenion wyneb yn wyneb neu ar-lein trwy alwad fideo. Byddwn yn gallu darparu ar gyfer pa bynnag opsiwn sydd orau gennych. Byddwch yn cael cynnig detholiad o slotiau amser i ddewis ohonynt.

Os oes angen cymorth penodol arnoch yn ystod y broses asesu, fel defnyddio'r teclyn Relay, Iaith Arwyddion Prydain (BSL) neu fynediad i gadeiriau olwyn, gallwch ofyn am hyn wrth archebu'r asesiad ar y porth myfyrwyr.

Manteision asesiadau wyneb yn wyneb

Gall fod yn dda mynychu eich asesiad anghenion wyneb yn wyneb os ydych:

• yn elwa o arddangosiad corfforol o offer a meddalwedd y gellir eu hargymell
• yn derbyn darpariaeth gwael o rwydwaith/band eang (broadband)
• eisiau derbyn sesiwn mewn lle preifat, yn rhydd o wrthdyniadau

Manteision asesiadau galwadau fideo ar-lein

Gall fod yn dda mynychu eich asesiad anghenion ar-lein os ydych:

• yn bryderus am deithio
• yn teimlo'n fwy cyfforddus mewn lle rydych chi'n ei ddewis
• yn cael trafferth siarad am eich anabledd yn bersonol

Os na allwch ddefnyddio galwadau fideo ar-lein, gallwch ddewis cael eich asesiad dros y ffôn yn lle hynny.

Bydd y ffi ar gyfer yr asesiad anghenion yn cael ei didynnu o'ch hawliau DSA. Mae hwn yn ffi gynhwysol ac yn cynnwys y gwaith y gallai fod ei angen drwy gydol eich cwrs.

Dyma'ch caniatâd i Student Finance England (SFE) neu Student Finance Wales (SFW) rannu eich gwybodaeth gyda ni.

Yn ystod y broses ymgeisio, bydd SFE neu SFW yn gofyn i chi am ganiatâd i rannu gwybodaeth gyda ni a fydd yn helpu i ddatblygu eich cais DSA. Bydd hyn yn ein galluogi i gysylltu â chi'n uniongyrchol i drefnu eich asesiad a'ch cymorth anghenion. Os nad ydych yn rhoi caniatâd i rannu, ni fydd SFE neu SFW yn gallu cysylltu â ni am eich cais DSA (e.e. os oes ganddynt gwestiynau ynghylch eich cefnogaeth). Yn hytrach, byddant yn cysylltu â chi ac yn gofyn i chi gysylltu'n uniongyrchol.

Os nad ydych yn hapus gyda'r penderfyniad y mae SFE neu SFW wedi'i wneud, dylech wneud apêl cyn gynted â phosibl.
Os ydych chi'n fyfyriwr SFE ewch i - https://www.gov.uk/guidance/appeals-procedure
Os ydych chi'n fyfyriwr SFW ewch i - http://www.cyllidmyfyrwyrcymru.co.uk/cwynion-ac-apeliadau/

Nod Capita DSA yw darparu gwasanaeth o'r safon uchaf bob amser. Fodd bynnag, os hoffech wneud cwyn, gallwch wneud hynny dros y ffôn, ar-lein, drwy e-bost, neu drwy'r post.

Bydd cwynion yn cael eu cydnabod ar e-bost o fewn dau ddiwrnod gwaith o'r dyddiad  derbyn.

Wedyn, bydd ymchwiliad trylwyr a llawn yn cael ei gynnal mewn modd proffesiynol, teg a heb wrthdaro. Bydd Capita DSA yn anelu at ddatrys cwynion, gan gyhoeddi ymateb llawn a terfynol i'r achwynydd o fewn 10 diwrnod gwaith ar ôl derbyn. Os oes angen amser ychwanegol, byddwn yn rhoi gwybod i'r achwynydd trwy e-bost, gan ddarparu'r rheswm dros yr oedi cyn cyhoeddi'r ymateb llawn.

Mewn achosion lle nad yw’r achwynydd yn fodlon â phenderfyniad Capita DSA, mae posib cyfeirio'r gŵyn i'r Cwmni Benthyciadau Myfyrwyr.

Gellir cynnal pob agwedd ar eich taith cwsmer yn Gymraeg os oes angen. Bydd hyn yn cael ei sefydlu yn ystod eich proses gofrestru, ac rydych yn rhydd i newid eich dewisiadau ar unrhyw adeg.

Bydd nifer yr oriau o hyfforddiant sydd eu hangen yn cael eu pennu yn ystod eich asesiad anghenion.

Mae'r sesiwn gyntaf fel arfer yn drosolwg llawn manwl a bydd unrhyw sesiynau dilynol yn dibynnu ar eich gofynion a gofynion eich cwrs.

Cysylltwch â ni i godi cais a bydd angen i unrhyw sesiynau ychwanegol gael eu hawdurdodi gan Gyllid Myfyrwyr Lloegr neu Gyllid Myfyrwyr Cymru.

Os na allwch ddod i'ch sesiwn, rhowch wybod i ni o leiaf 24 awr ymlaen llaw. Byddwch yn derbyn nodiadau atgoffa cyn y sesiwn. Mae'n ofynnol i ni gasglu a chofnodi manylion yr holl apwyntiadau a gollwyd ac a ganslwyd at ddibenion adrodd. Bydd hyn yn cael ei rannu gyda chyllid myfyrwyr. Efallai y codir tâl ar eich Lwfans Myfyrwyr Anabl am uchafswm o ddau apwyntiad a gollwyd neu a ganslwyd os rhoddir llai na 24 awr o rybudd.

Byddwn yn rhoi gwybod i chi faint o oriau rydych wedi'u defnyddio a faint sy'n weddill.